मुंबई : शि वसेना उद्धव बाळासाहेब ठाकरे गटाचे नेते आणि युवासेना प्रमुख आदित्य ठाकरे हे आज एक दिवसाच्या बिहार दौऱ्यावर जात आहेत. या दौऱ्यात ते बिहारचे उपमुख्यमंत्री आणि राष्ट्रीय जनता दलाचे नेते तेजस्वी यादव यांची भेट घेणार आहेत.
आदित्य ठाकरे उद्या बिहारमध्ये दाखल होत आहेत. या दौऱ्यात बिहारची राजधानी पाटणा येथे आदित्य ठाकरे हे तेजस्वी यादव यांची सदिच्छा भेट घेतील. यावेळी शिवसेना सचिव, खासदार अनिल देसाई, शिवसेना उपनेत्या, खासदार प्रियंका चतुर्वेदी व अन्य प्रमुख पदाधिकारी आदित्य ठाकरे यांच्यासोबत उपस्थित राहणार आहेत.
