अतिवृष्टीग्रस्त भागाच्या भेटीसाठी अमित देशमुख  १८ आणि १९ ऑक्टोबरला लातूर व उस्मानाबाद जिल्हयात

लातूर,दि.१७ : राज्याचे वैद्यकीय शिक्षण, सांस्कृतिक कार्य मंत्री तथा लातूरचे पालकमंत्री अमित विलासराव देशमुख दि. १८ ते १९ आँक्टोंबर दरम्यान दोन दिवसाच्या लातूर व उस्मानाबाद जिल्ह्याच्या दौऱ्यावर येत असून या काळात ते अतिवृष्टीने नुकसान झालेल्या भागाची पाहणी करून शेतकरी वर्गाशी संवाद साधून दिलासा देतील.
अतिवृष्टी आणी परिणामी नदयांना आलेल्या पूरामुळे लातूर व ऊस्मानाबाद जिल्हयाच्या काही भागात खरीप पिकांचे व शेतीचे मोठया प्रमाणात नुकसान झाले आहे. राज्याचे वैद्यकीय शिक्षण, सांस्कृतिक कार्य मंत्री तथा लातूरचे पालकमंत्री अमित विलासराव देशमुख हे रविवार व सोमवार दोन दिवस लातूर, उस्मानाबाद जिल्ह्यात अतिवृष्टीग्रस्त भागाला भेटी देऊन पाहणी करणार आहेत. यावेळी शेतकऱ्यांच्या समस्या ऐकून घेऊन त्यांना दिलासा देतील.