सोलापूर : विद्यार्थ्यांच्या विकासासाठी सदैव प्रयत्नशील असणाऱ्या मंगळवेढा रोडवरील ब्रम्हदेवदादा माने इन्सिट्युट ऑफ टेक्नोलॉजी अर्थात बीएमआयटी व इलेक्ट्रिकल आणि सिव्हिल क्षेत्रातील अग्रगण्य कंपनी युनिटी ग्रुप यांच्यात सामंजस्य करार करण्यात आला .
याप्रसंगी कंपनीचे अधिकारी प्रताप कुंभार, रोहित गोरे , संस्थेचे उपाध्यक्ष पृथ्वीराज माने, कॅम्पस डायरेक्टर प्रा. राहुल माने आणि प्रभारी प्राचार्य प्रा. एस.जि. कुलकर्णी उपस्थित होते.
या सामंजस्य करार अन्वये अद्ययावत सुविधांनी परिपूर्ण असलेल्या कंपनीतून विद्यार्थ्यांना डिझाइन , रेडिओ कमिशनिंग , मार्केटिंग मॅनेजमेंट इत्यादी विषयांवर प्रशिक्षण दिले जाणार आहे . यामुळे बीएमआयटीच्या विद्यार्थ्यांना इलेक्ट्रिकल, इलेक्ट्रॉनिक्स व मॅनेजमेंट क्षेत्रातील रोजगाराच्या नवीन संधी उपलब्ध होतील.
संस्थेचे ट्रेनिंग आणि प्लेसमेंट फीसर प्रा. आर पी नगरकर व त्यांचे सहकारी प्रा. डी ए कुंभार यांनी हा सामंजस्य करार यशस्वी होण्यासाठी विशेष परिश्रम घेतले .
हा कार्यक्रम यशस्वी होण्यासाठी संस्थेचे अध्यक्ष दिलीप माने, संस्थेच्या सचिवा जयश्री माने, उपाध्यक्ष पृथ्वीराज माने यांचे विशेष मार्गदर्शन लाभले.
