१ डिसेंबरपासून सामान्य माणसाच्या आयुष्याशी संबंधित ‘हे’ ४ नियम बदलणार, जाणून घ्या काय आहे

नवी दिल्ली । सामान्य माणसाच्या आयुष्याशी संबंधित 1 डिसेंबर 2020 पासून अनेक बदल होणार आहेत. यामध्ये RTGS, रेल्वे आणि गॅस सिलेंडरशी संबंधित अनेक नियम बदलले जातील, त्याचा थेट परिणाम तुमच्या आयुष्यावर होईल. रिझर्व्ह बँक ऑफ इंडियाने (RBI) रिअल टाईम ग्रॉस सेटलमेंट (RTGS) संबंधी नियम बदलले आहेत. हे नियम कॅश ट्रान्सफरशी संबंधित आहेत. त्याशिवाय सरकारी तेल कंपन्या दर महिन्याला गॅसचे दर अपडेट करतात. चला तर मग हे नियम काय आहेत ते जाणून घेउयात –

1. RTGS सुविधेचा फायदा

वर्षाच्या शेवटच्या महिन्यापासून म्हणजेच डिसेंबरपर्यंत तुमची बँक पैशाच्या व्यवहाराशी संबंधित हा नियम बदलणार आहे. रिझर्व्ह बँक ऑफ इंडियाने (RBI) रियल टाइम ग्रॉस सेटलमेंट (RTGS) 24x7x365 उपलब्ध करुन देण्याची घोषणा केली. हा निर्णय डिसेंबर 2020 पासून लागू होईल. याचा अर्थ असा की, आता आपण RTGS मार्फत चौबीस तास पैसे ट्रान्सफर करण्यास सक्षम असाल. सध्या RTGS सिस्टम महिन्यातील दुसरा आणि चौथा शनिवार वगळता आठवड्यातील सर्व कामकाजाच्या दिवशी सकाळी 7 ते सायंकाळी 6 या वेळेत उपलब्ध आहे.

2. प्रीमियममध्ये बदल

आता 5 वर्षानंतर विमाधारक प्रीमियमची रक्कम 50 टक्क्यांनी कमी करू शकेल. म्हणजेच, अर्धा हप्ता देऊनही तो पॉलिसी चालू ठेवू शकेल.

3. अनेक नवीन गाड्या 1 डिसेंबरपासून चालवल्या जातील

भारतीय रेल्वे 1 डिसेंबरपासून अनेक नवीन गाड्या चालवणार आहे. कोरोना संकटापासून रेल्वे अनेक नवीन विशेष गाड्या सातत्याने चालवित आहे. आता 1 डिसेंबरपासून काही गाड्या सुरू होणार आहेत. यात झेलम एक्सप्रेस आणि पंजाब मेल या दोहोंचा समावेश आहे. दोन्ही गाड्या सामान्य श्रेणी अंतर्गत चालवल्या जात आहेत. 01077/78 पुणे-जम्मू तवी पुणे झेलम स्पेशल आणि 02137/38 मुंबई फिरोजपूर पंजाब मेल स्पेशल दररोज धावतील.

4. एलपीजी किमती बदलतील

दर महिन्याच्या पहिल्या तारखेला सरकार एलपीजी सिलेंडरच्या किंमतींचा आढावा घेते. म्हणजेच 1 डिसेंबर रोजी देशभरात स्वयंपाकाच्या गॅसच्या किंमती बदलतील. गेल्या महिन्यांपासून या किंमतींमध्ये कोणताही बदल झालेला नाही.