सांगली, दि.१० : गेल्या काही दिवसांपासून सांगली कृषी उत्पन्न बाजार समितीच्या राजकारणात मोठ्या हालचाली सुरू होत्या.या पार्श्वभूमीवर सांगली कृषी उत्पन्न बाजार समितीचे सभापती आणि इतर नऊ संचालकांनी काल राष्ट्रवादी काँग्रेस पक्षात प्रवेश केला. राष्ट्रवादी काँग्रेसचे प्रदेशाध्यक्ष जयंत पाटील यांच्या उपस्थित हा प्रवेश झाला.या बाजार समितीत गेल्या अनेक वर्षापासून काँग्रेसची सत्ता आहे मात्र पक्षातील अंतर्गत गटबाजीमुळे विद्यमान संचालकांनी राष्ट्रवादी काँग्रेसमध्ये जाण्याचा निर्णय घेतला आहे. केवळ
बाजार समितीतील सत्ता टिकवण्यासाठी संचालकांनी हा पक्ष बदल केला आहे, असे सांगण्यात येत आहे. मात्र या घटनेने काँग्रेसमध्ये अस्वस्थता पसरली असून राष्ट्रवादीमध्ये नवचैतन्य निर्माण झाले आहे.
