नवी दिल्ली : वृत्तसंस्था
देशाचे माजी उपपंतप्रधान व भाजपचे दिग्गज नेते लालकृष्ण अडवाणी यांना दिल्लीतील एम्स रुग्णालयात दाखल करण्यात आले आहे. बुधवारी संध्याकाळी उशिरा त्यांना काही समस्या जाणवू लागल्या, त्यानंतर त्यांना एम्समध्ये नेण्यात आले. तथापि, काही सूत्रांचे म्हणणे आहे की ही नियमित तपासणी आहे. सध्या त्यांना युरोलॉजी विभागाच्या डॉक्टरांच्या निरीक्षणाखाली ठेवण्यात आले आहे. त्यांची प्रकृती स्थिर असल्याचे डॉक्टरांनी सांगितले.
31 मार्च रोजी लालकृष्ण अडवाणी यांना देशाचा सर्वोच्च नागरी सन्मान भारतरत्न प्रदान करण्यात आला. राष्ट्रपती द्रौपदी मुर्मू यांनी त्यांच्या घरी भेट देऊन त्यांना भारतरत्न देऊन गौरविले. यावेळी पंतप्रधान नरेंद्र मोदी, उपराष्ट्रपती जगदीप धनखड, गृहमंत्री अमित शहा आणि माजी उपराष्ट्रपती एम. व्यंकय्या नायडू उपस्थित होते. पंतप्रधान मोदींनी 3 फेब्रुवारीला त्यांना भारतरत्न देण्याची घोषणा केली होती. यापूर्वी 2015 मध्ये अडवाणी यांना देशाचा दुसरा सर्वोच्च नागरी सन्मान पद्मविभूषणने सन्मानित करण्यात आले होते. 7 जून रोजी लोकसभा निवडणुकीत एनडीएच्या विजयानंतर पंतप्रधान नरेंद्र मोदी लालकृष्ण अडवाणी यांचे आशीर्वाद घेण्यासाठी आले होते. यावेळी त्यांनी अडवाणींना पुष्पगुच्छ दिला.
