अक्कलकोट दि.३१ : राष्ट्रवादी आपल्या दारी हा उपक्रम २ आणि ३ ऑगस्ट रोजी अककलकोट शहरातून सुरू होत आहे. या दौऱ्यात जनतेच्या समस्या, अडचणी ऐकून घेण्यात येणार आहेत, अशी माहिती तालुका अध्यक्ष दिलिप सिद्धे व शहराध्यक्ष मनोज निकम यांनी दिली.
या निमित्ताने तालुक्यातील सरपंच , उपसरपंच , सदस्य आणि इतर मान्यवरांना सर्जेराव सभागृह अककलकोट येथे बोलावून दौऱ्याचे स्वरुप, उद्देश आणि निवेदनाविषयी सविस्तर माहिती दिली.
याप्रसंगी शिवराज स्वामी, ईसमाईल फुलारी , महादेव वाले, सुरेशचंद्र सुर्यवंशी, आकाश कलशेट्टी आणि रफीक मुजावर उपस्थित होते. प्रस्तावना माणिक बिराजदार यांनी केले. आभार किरण लोणी यांनी मानले.
