नांदेड : वृत्तसंस्था
मराठा समाजाला आरक्षण मिळविण्यासाठी जरांगे पाटील पुन्हा एकदा राज्याच्या दौऱ्यावर निघाले असतांना मराठा आरक्षणाची पुढील रणनीती ठरवण्यासाठी मनोज जरांगे पाटील सोमवारी दि.४ नांदेडला आले होते. चांदोजी मंगलकार्यालयात सोमवारी रात्री ११.३० वाजता त्यांची बैठक झाली.
दरम्यान रात्री १० नंतर ध्वनीक्षेपकचालू ठेवणे, जमावबंदीचे उल्लंघन,विनापरवानगी सभा घेतल्याने, जरांगे यांच्यासहसभेच्या आयोजक श्याम वडजे अशा दोघांवरभाग्यनगर पोलिस ठाण्यात गुन्हा दाखल झाला.यापुर्वी त्यांच्यावर बीड जिल्ह्यात गुन्हा दाखल झाला होता. सभेचे आयोजक श्याम वडजे यांनीसभेसाठी निवेदन देवून परवानगी मागितली होती. परंतु त्यांना परवानगी देण्यात आली नव्हती. तरी सध्या जिल्ह्यात जिल्हाधिकाऱ्यांनी जमावबंदी आदेश लागू केला आहे. याआदेशाचे उल्लंघन करुन सभा घेतली. तसेचसभेसाठी रात्री १० नंतर ध्वनीक्षेपक चालूठेवले. याप्रकरणी हेड कॉन्स्टेबल विजय तोडसाम यांच्या फिर्यादीवरून गुन्हा दाखल झाला.
राजकारण माझा मार्ग नाही मात्र उपमुख्यमंत्री देवेंद्र फडणवीस यांच्याकडून ओबीसीतूनच मराठा आरक्षण घेतल्याशिवायगप्प बसणार नाही, असा इशारा मनोज जरांगेपाटील यांनी सभेतून दिला. या वेळी त्यांनीफडणवीस यांच्यावर टीका केली.
पुढे बोलताना जरांगे म्हणाले, जनतेने फडणवीसांना गृहमंत्रीपदाच्या गादीवर बसवले. मात्र ते जाणूनबुजूनदहशत निर्माण करत असतील तर आम्ही आतासहन करणार नाही, असे जरांगे म्हणाले. शासनाने सगेसोयऱ्यांची अधिसूचनाकाढली. जाणूनबुजून एखाद्यामंत्र्याच्या दबावामुळे कायदा होतनाही. मात्र सगेसोयऱ्यांचीअंमलबजावणी करण्याशिवायसरकारकडे दुसरा पर्याय नाही. १०टक्के आरक्षणाचा सरकारने डावटाकला. हा डाव उधळून लावू, असेजरांगे म्हणाले.
