राम सातपुते हत्येचा कट? मोहिते पाटील गटाचा पलटवार; टीका, आरोप-प्रत्यारोपांवर राजकीय वाद

सोलापूर  :  वृत्तसंस्था 

भाजप आमदार राम सातपुते यांनी स्वतःवर हत्येचा कट रचल्याचा दावा केल्याची माहिती समोर आली आहे. याआधी मंत्री जयकुमार गोरे यांनीही या संदर्भात गंभीर आरोप केले होते. सातपुते यांच्या हत्येच्या कटाचा तपास पोलिस करत असल्याची माहिती गोरे यांनी दिली आहे.

या आरोपाला राम सातपुते यांनी दुजोरा दिल्यानंतर धैर्यशील मोहिते पाटील यांच्या गटातील काही लोकांवर सूचक टीका केली. मोहिते पाटील म्हणाले, माळशिरस तालुक्यातील निकाल ९ पैकी ७ जागा आमच्या गटाने जिंकल्या आहेत. सातपुते यांनी मीडिया मॅनेजमेंट करून एक जागा निवडली, निवडणूक झाली, पराभव झाला, आणि नंतर त्यांनी लोकप्रियता मिळवण्यासाठी कोणत्याही स्तराला जातो, असा त्यांनी पलटवार केला.

धैर्यशील मोहिते पाटील पुढे म्हणाले की, राम सातपुते कोणत्याही स्तराला जाऊन कोणतीही बातमी देतात. माढा लोकसभा आणि विधानसभा निवडणुकीत पालकमंत्र्यांना अपयश आले असल्यामुळे सातपुते वैफल्यग्रस्त झाले आहेत. म्हणूनच कामापासून लक्ष विचलित करण्यासाठी चुकीच्या दिशेने लोकांना नेतात, ही त्यांची नेहमीची पद्धत असल्याचे मोहिते पाटील यांनी सांगितले.

मतमोजणीदरम्यान सगळ्या पक्षांचे समर्थक एका जागी उभे असतात, आणि पोलिसांनी दोन्ही पक्षाच्या लोकांना दूर ठेवणे आवश्यक आहे. मतमोजणीच्या वेळेस राम सातपुते माने नावाच्या आमच्या उमेदवाराच्या तोंडावर गुलाल फेकल्यामुळे गोंधळ उडाला, असेही मोहिते पाटील यांनी नमूद केले. त्याचबरोबर, सातपुतेच्या पत्नीच्या विरोधात आमच्या गटाने उमेदवार लढवून त्यांना अडकवण्याची योजना यशस्वी झाली, असेही त्यांनी स्पष्ट केले. राजकीय आरोप-प्रत्यारोपांनी आणि हत्येच्या कटाच्या दाव्यांनी सध्याच्या परिस्थितीत दोन्ही पक्षांमध्ये तणाव वाढल्याचे दिसून येत आहे.