राष्ट्रगीताचा अपमान केल्याप्रकरणी पश्चिम बंगालच्या मुख्यमंत्री ममता बॅनर्जी अडचणीत

नवी दिल्ली : राष्ट्रगीताचा अपमान केल्याप्रकरणी पश्चिम बंगालच्या मुख्यमंत्री ममता बॅनर्जी यांच्यावर कारवाई होऊ शकते. मेट्रोपॉलिटन मॅजिस्ट्रेट कोर्टाने ममता बॅनर्जी यांना २ मार्चला कोर्टात हजर राहण्याचे निर्देश दिले आहेत. भाजपच्या एका कार्यकर्त्याने ममता यांच्यावर राष्ट्रगीताचा अपमान केल्याचा आरोप केला आहे. ज्यामध्ये ममता बॅनर्जी यांनी एका सार्वजनिक कार्यक्रमात राष्ट्रगीताचा अपमान केल्याचे म्हटले आहे.

हे संपूर्ण प्रकरण जवळपास दोन महिने जुने आहे. पश्चिम बंगालच्या मुख्यमंत्री ममता बॅनर्जी गेल्या वर्षी डिसेंबरमध्ये दोन दिवसांच्या दौऱ्यावर मुंबईत आल्या होत्या. त्यानंतर आगामी लोकसभा निवडणुकीच्या तयारीसंदर्भात त्यांनी बॉलिवूड सेलिब्रिटींसोबत बैठक घेतल्याचे सांगण्यात आले.

कार्यक्रमाच्या शेवटी त्यांनी राष्ट्रगीताच्या काही ओळीच वाचल्या. ममता बॅनर्जी यांनी राष्ट्रगीताचा अपमान केल्याचा आरोप भाजप नेत्याने केला. ममता बसून राष्ट्रगीताच्या फक्त ४-५ ओळी वाचल्या आणि मग उभ्या राहून राष्ट्रगीत म्हणू लागली. या संपूर्ण प्रकरणाचा एक व्हिडिओही व्हायरल झाला होता.

Deplorable behaviour by a chief minister who starts saying the National Anthem while sitting and then abruptly cuts it short..

Does Shiv Sena endorse this insult to our national anthem & honour? If not I’m hoping they will file a case under relevant sections of the law.. pic.twitter.com/GyJE8vgq1P

— Shehzad Jai Hind (@Shehzad_Ind) December 2, 2021

भाजपचे प्रवक्ते शहजाद पूनावाला यांनीही हा व्हिडिओ शेअर केला आहे. पूनावाला यांनी ट्विट केले होते की, ‘शिवसेना आपल्या राष्ट्रगीत आणि सन्मानाच्या अपमानाचे समर्थन करते का? तसे न केल्यास ते कायद्याच्या संबंधित कलमांतर्गत गुन्हा दाखल करतील अशी मला आशा आहे.. अस त्यांनी ट्विट शहजाद पूनावाला यांनी केले आहे.