नवी दिल्ली : वृत्तसंस्था
महाराष्ट्राचे माजी मुख्यमंत्री व भाजप नेते अशोक चव्हाण यांनी शनिवारी मराठीतून राज्यसभा सदस्यत्वाची शपथ घेतली. राज्यसभा सभापती जगदीप धनखड यांनी भाजप अध्यक्ष जे. पी. नड्डा व अशोक चव्हाण यांच्यासह ६ जणांना संसद भवनात शपथ दिली.
नड्डा हे गुजरातमधून राज्यसभेवर बिनविरोध निवडून गेले आहेत. राज्यसभा सदस्य म्हणून शपथ घेणाऱ्यांमध्ये नड्डा व चव्हाण यांच्याशिवाय चुन्नीलाल गरासिया (राजस्थान), अनिल कुमार यादव मंडाडी (तेलंगणा), सुष्मिता देव व मोहम्मत नदीमुल हक (पश्चिम बंगाल) यांचा समावेश आहे. राज्यसभा सभापती कार्यालयाने या शपथविधी कार्यक्रमाची छायाचित्रे ‘एक्स’ या सोशल मीडियावर पोस्ट केली आहेत.
जाहिरात
