नवी दिल्ली : वृत्तसंस्था
देशातील उत्कृष्ट संसदीय कार्यासाठी दिला जाणारा ‘संसद रत्न 2025’ पुरस्कार जाहीर करण्यात आला आहे. प्राइम पॉइंट फाउंडेशन तर्फे दिला जाणारा हा सन्मान यंदा 17 खासदार आणि 2 संसदीय स्थायी समित्यांना मिळाला आहे.
महाराष्ट्राचा भरीव सहभाग:
यंदा महाराष्ट्रातील 7 खासदारांनी उत्कृष्ट कामगिरी करत संसद रत्न पुरस्कार पटकावला आहे. या विजेत्यांमध्ये खालील खासदारांचा समावेश आहे:
-
सुप्रिया सुळे (राष्ट्रवादी काँग्रेस – शरद पवार गट)
-
श्रीरंग अप्पा बारणे (शिवसेना)
-
स्मिता वाघ (भाजप)
-
अरविंद सावंत (शिवसेना – उद्धव ठाकरे गट)
-
नरेश म्हस्के (शिवसेना)
-
वर्षा गायकवाड (काँग्रेस)
-
मेधा कुलकर्णी (भाजप)
चार खासदारांना विशेष सन्मान: संसदीय लोकशाहीत सातत्याने योगदान दिल्याबद्दल खालील चार खासदारांना विशेष सन्मान दिला जाईल:
-
सुप्रिया सुळे (राष्ट्रवादी शरद पवार)
-
श्रीरंग अप्पा बारणे (शिवसेना)
-
भर्तृहरी महताब (भाजप)
-
एन. के. प्रेमचंद्रन (रासप)
उर्वरित विजेते खासदार: इतर 13 खासदारांनी संसदेत प्रश्न विचारणे, चर्चा, विधेयकावर सूचना देणे अशा कामगिरीतून पुरस्कार मिळवला आहे. यामध्ये विविध पक्षांचे खासदार आहेत:
-
प्रवीण पटेल, रवी किशन, निशिकांत दुबे, विद्युत बरन महतो, पी. पी. चौधरी, मदन राठोड, दिलीप सैकिया (सर्व भाजप)
-
सी. एन. अन्नादुराई (द्रमुक)
- पुरस्काराची निवडप्रक्रिया:
या वर्षीच्या विजेत्यांची निवड राष्ट्रीय मागासवर्गीय आयोगाचे अध्यक्ष हंसराज अहिर यांच्या अध्यक्षतेखालील ज्युरी समितीने केली. संसदेतील सक्रियता, प्रश्न विचारण्याची संख्या, चर्चेत सहभाग आणि विधेयकांवरील कामगिरी या निकषांवरून पुरस्कार देण्यात येतो.
