मुंबई : वृत्तसंस्था
शिवसेना नगरसेवक जामसंडेकर हत्या प्रकरणात सुप्रीम कोर्टाने अंडरवर्ल्ड डॉन अरुण गवळी याला जामीन मंजूर केला आहे. कमलाकर जामसंडेकर यांची घाटकोपर येथे त्यांच्या निवासस्थानी भरदिवसा हत्या करण्यात आली होती. या प्रकरणात १८ वर्षानंतर अरुळ गवळी याला जामीन मंजूर करण्यात आल्याने त्याच्या सुटकेचा मार्ग मोकळा झाला आहे.
अरुण गवळी याला ज्यावेळी कमलाकर जामसंडेकर यांच्या हत्या प्रकरणात अटक झाली तेव्हा अरुण गवळी आमदार होता. एखाद्या आमदाराला अशा प्रकारे खुनाच्या गुन्ह्यात नंतर जन्मठेप सुनावण्यात आली होती. एखाद्या राजकीय नेत्याच्या खूनात आमदाराला झालेली ही जन्मठेप चर्चेची ठरली होती.
2 मार्च 2007 रोजी सायंकाळी आपल्या मुंबईतील घाटकोपर येथील घराजवळ बसलेल्या शिवसेना नगरसेवक कमलाकर जामसंडेकर यांची गुंडांनी गोळ्या घालून हत्या केली होती. ते आपले काम संपवून घरात टीव्ही पाहात असताना असल्फा व्हीलेज येथील रुमानी मंझील चाळीतील घरात शिरुन मारेकऱ्यांनी त्यांची हत्या केली होती.
कमलाकर जामसांडेकर यांच्या हत्या प्रकरणात मुंबईती सत्र न्यायालयाने अरुण गवळी आणि इतर 11 जणांना जन्मठेपेची शिक्षा सुनावली होता.सुरेश पांचाळ, दिनेश नारकर आणि गणेश साळवी या सह आरोपींची सबळ पुराव्याअभावी निर्दोष मुक्तता झाली होती. त्यावेळी मुंबई महानगर पालिकेच्या निवडणूकात शिवसेनेचे कमलाकर जामसंडेकर यांनी अरुण गवळी याच्या अखिल भारतीय सेना पक्षाचे उमेदवार अजित राणे याचा अवघ्या ३६७ मतांनी पराभव केला होता. त्यानंतर काही काळात जामसंडेकर नगरसेवक म्हणून कामाला लागले असतानाच त्यांची हत्या करण्यात आली होती.
