आमदार सचिन कल्याणशेट्टी यांची भाजपच्या जिल्हाध्यक्षपदी वर्णी

अक्कलकोट, दि.३० : भाजपचे अक्कलकोटचे आमदार सचिन कल्याणशेट्टी यांची भाजपच्या सोलापूर जिल्हाध्यक्षपदी नियुक्ती करण्यात आली आहे.या निवडीने भाजप कार्यकर्त्यात आनंद व्यक्त होत आहे.भारतीय जनता पार्टीचे अक्कलकोट तालुकाध्यक्ष, त्यानंतर आमदार आणि आता थेट जिल्हाध्यक्ष असा त्यांचा राजकीय प्रवास राहिला आहे.भाजपामधील युवा आमदाराला जिल्हाध्यक्षपद मिळाल्याने अनेकांनी त्यांचे कौतुक केले आहे. आमदार कल्याणशेट्टी हे सोलापूर जिल्ह्यातील अक्कलकोट मतदारसंघातून २०१९ मध्ये विधानसभेवर निवडून आले. त्यापूर्वी त्यांनी अनेक वर्षे अक्कलकोट तालुक्यात भारतीय जनता पार्टीची संघटना मजबूत करण्यासाठी प्रयत्न केले आहेत. त्यांनी पक्षात विविध संघटनात्मक जबाबदाऱ्याही सांभाळल्या आहेत. आमदार कल्याणशेट्टी यांना प्रदेशाध्यक्ष बावनकुळे यांनी शुभेच्छा दिल्या आहेत.सचिन कल्याणशेट्टी हे राज्याचे उपमुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या अत्यंत जवळचे ते समजले जातात. माजी सहकारमंत्री सुभाष देशमुख यांच्याही ते निकटवर्तीय मानले जातात. अक्कलकोट तालुक्यातील हन्नूर गावचे सरपंच, भारतीय जनता पार्टीचे अक्कलकोट तालुकाध्यक्ष, त्यानंतर आमदार आणि आता थेट जिल्हाध्यक्ष असा त्यांचा राजकीय प्रवास राहिला आहे. गोवा निवडणुकीत त्यांनी भाजपचे स्टार प्रचारक म्हणून काम केले होते.