नवी दिल्ली । मागील काही दिवसापासून सुरु असलेल्या सोने भाव वाढीला ब्रेक लागला आहे. आंतरराष्ट्रीय बाजारातील कमकुवत झालेल्या मागणीमुळे सोन्याच्या किंमती आज शुक्रवारी खाली आल्या आहेत. तसेच आज, चांदीची चमक देखील कमी झाली आहे. याआधी या दोन्ही मौल्यवान धातूंचे दर सलग तीन दिवस कमी झाले. एचडीएफसी सिक्युरिटीजने आज दिल्ली सराफा बाजारात सोन्या-चांदीच्या किंमतींबद्दलची माहिती दिली आहे.
सोन्याचे नवीन दर
दिल्ली बुलियन मार्केटमध्ये आज सोन्याची किंमत प्रति 10 ग्रॅम 263 रुपयांनी स्वस्त झाली आहे, त्यानंतर आता सोन्याची नवीन किंमत 48,861 रुपयांवर आली आहे. याआधी गुरुवारी सोन्याचा भाव प्रति 10 ग्रॅम 49,124 रुपये होता. आंतरराष्ट्रीय बाजारात सोन्याची किंमत प्रति औंस 1,861 डॉलर आहे.
चांदीचे नवीन दर
त्याचप्रमाणे आज चांदीच्या किंमतीत घट झाली आहे. आज दिल्ली सराफा बाजारात चांदीचा दर 806 रुपयांनी स्वस्त झाला असून तो 66,032 रुपयांवर आला आहे. पूर्वी चांदीचा दर प्रति किलो 66,838 रुपये होता. आज आंतरराष्ट्रीय बाजारात चांदीची किंमत प्रति औंस 25.52 डॉलर आहे.
एचडीएफसी सिक्युरिटीजचे वरिष्ठ विश्लेषक (कमोडिटी) तपन पटेल म्हणाले, न्यूयॉर्कच्या कमोडिटी एक्सचेंज कॉमेक्सवरील कमजोरीनंतर दिल्लीतील 24 कॅरेट शुद्धतेच्या सोन्याच्या किंमती आज प्रति दहा ग्रॅम 263 रुपयांवर आल्या आहेत. सोन्याच्या किंमतीतील ही कमजोरी सलग 3 दिवसांच्या वाढीनंतर आली आहे. ‘
