मुंबई : वृत्तसंस्था
अभिनेता सैफ अली खानवर यांच्या वांद्रे येथील घरामध्ये धारदार शस्त्राने हल्ला करण्यात आला आहे. मुंबई पोलिसांनी दिलेल्या माहितीनुसार, काल रात्री उशिरा एका अज्ञात व्यक्तीने अभिनेता सैफ अली खानच्या घरात घुसून त्याच्या मोलकरणीशी वाद घातला. जेव्हा अभिनेत्याने मध्यस्थी करून त्या माणसाला शांत करण्याचा प्रयत्न केला तेव्हा त्याने सैफ अली खानवर हल्ला करून त्याला जखमी केले. यानंतर जखमी झालेल्या सैफला गंभीर अवस्थेत लीलावती रुग्णालयात दाखल करण्यात आले
मिळालेल्या माहितीनुसार, रात्री उशिरा एक अज्ञात व्यक्ती सैफच्या घरात घुसला. त्याने अभिनेत्यावर चाकूने हल्ला केला. या हल्ल्यात सैफ अली खान जखमी झाला आहे. त्यांना मुंबईतील लीलावती रुग्णालयात दाखल करण्यात आले आहे. पोलिसांनी दिलेल्या माहितीनुसार, बॉलिवूड अभिनेता सैफ अली खानवर त्याच्या घरात घुसलेल्या चोरांनी चाकूने हल्ला केला आहे. त्यांना मुंबईतील रुग्णालयात दाखल करण्यात आले आहे, जिथे त्यांच्यावर उपचार सुरू आहेत.
सैफची पत्नी अभिनेत्री करीना कपूर आणि त्यांची मुले सुरक्षित आहेत. या घटनेवर कुटुंबाने अद्याप कोणतेही अधिकृत विधान जारी केलेले नाही. घटनेनंतर चोर फरार आहे. मुंबई पोलिस आणि गुन्हे शाखेचे पथक त्याला पकडण्यात व्यस्त आहेत. घराभोवती बसवलेल्या सीसीटीव्ही फुटेजची तपासणी केली जात आहे.
