अक्कलकोट, दि.१६ : येथील श्री वटवृक्ष स्वामी महाराज मंदिरात सालाबादप्रमाणे यंदाही श्री स्वामींचा १४५ वा पुण्यतिथी सोहळा मोठया उत्साहाने भक्तीभावाने साजरा होणार आहे. या निमित्त हजारो भक्तांची मांदियाळी जमणार आहे. ७ एप्रिलपासून मंदिरात नित्यअनुष्ठान, धर्मसंकीर्तन, पारायण, भजन, अखंड नामवीणा सप्ताह आदी धार्मिक कार्यक्रम सुरू आहेत.मंगळवार दि.१८ एप्रिल रोजी पुण्यतिथी महोत्सवाचा मुख्य दिवस आहे.यानिमित्त पहाटे २ वाजता श्रींची काकड आरती होईल.त्यानंतर श्री स्वामी समर्थांचे नामस्मरण होईल. पहाटे ३ ते ५ या वेळेत नगर प्रदक्षिणा पार पडेल. देवस्थान व अक्कलकोट राजघराण्याच्या वतीने श्रींना पारंपारिक लघुरुद्र पहाटे ४ ते ६ या वेळेत करण्यात येईल. सत्संग महिला भजनी मंडळ यांच्या भजनाने अखंड नामवीणा सप्ताह समाप्ती सोहळा सकाळी ६ वाजता देवस्थानच्या ज्योतीबा मंडपात होईल. स्वामी भक्तांच्यावतीने नित्यनियमाने होणारे अभिषेक भाविकांचे दर्शन सुलभतेने होण्याकरिता बंद ठेवण्यात येतील. जे स्वामी भक्त अभिषेकाची पावती करतील त्यांना प्रसाद मिळेल.सकाळी ११ वाजता पुरोहित व मंदीर
समितीची महानैवेद्य आरती,११:३० वाजता अक्कलकोट राजघराण्याच्यावतीने श्रीमंत मालोजीराजे भोसले यांच्या हस्ते व चेअरमन महेश इंगळे यांच्या उपस्थितीत श्रींना महानैवेद्य अर्पण करण्यात येईल. त्यानंतर दुपारी १२ ते ३ या वेळेत मंदिराच्या पुर्वेकडील उपहारगृहात सर्व स्वामी भक्तांना पारंपारिक भोजन महाप्रसाद आयोजित केले आहे. दुपारी २ ते ४ या वेळेत कोल्हापूर येथील महाद्वार स्वामी सेवा भजनी मंडळ यांची भजनसेवा देवस्थानच्या ज्योतीबा मंडपात संपन्न होईल. सायंकाळी ५:३० ते रात्री १० या वेळेत श्रींचा सजविलेला सवाद्य पालखी मिरवणूक सोहळा वटवृक्ष मंदिरातून निघेल. १९ एप्रिल रोजी दुपारी ३ ते सायंकाळी ७ या वेळेत मंदिरात गोपाळकाला होवून या महोत्सवाची सांगता होणार आहे.
Watch Our Latest Video
पुण्यतिथी महोत्सवाची
जय्यत तयारी
या पुण्यतिथीच्या दरम्यान हजारो भाविक हे अक्कलकोटला येत असतात त्यांची गैरसोय होऊ नये यासाठी अक्कलकोट नगरपालिका प्रशासन व मंदिर समिती तसेच अन्नछत्र मंडळ यांच्याकडून जय्यत तयारी सुरू आहे.विविध सेवाभावी सामाजिक संघटना देखील भाविकांच्या सेवेसाठी सज्ज झाले आहेत.
