शेतकऱ्यांच्या विश्वासावर कारखान्याची सुस्थितीत वाटचाल : माने देशमुख ; जयहिंद शुगर्सच्या मिल रोलरचे पुजन

अक्कलकोट, दि.२ : आचेगाव (ता.दक्षिण सोलापूर) येथील जयहिंद शुगरच्या रोलरचे पुजन मार्गदर्शक बब्रुवान माने देशमुख आणि वर्क्स मॅनेजर सिध्देश्वर उमरदंड यांच्या हस्ते पार पडले. कार्यक्रमाच्या अध्यक्षस्थानी कारखान्याचे मार्गदर्शक बब्रुवान माने देशमुख होते.प्रारंभी कार्यक्रमाच्या सुरूवातीला विधीवत पुजाअर्चा संपन्न झाली.यावेळी बोलताना माने देशमुख म्हणाले की,आमच्या कारखान्याची वाटचाल ही शेतकऱ्यांच्या विश्वासावर अविरतपणे सुरू आहे.यामुळेच महाराष्ट्र,कर्नाटक आणि आंध्र प्रदेशमधील विवीध राज्यांतील ३२६ गावांमध्ये आमचा विस्तार झाला असल्याचे त्यांनी सांगितले.आजवर कारखान्याच्या माध्यमातुन शेतकऱ्यांच्या हितासाठी विविध उपक्रम राबविले आहेत.यापूढेही असाच प्रयत्न कायम असल्याचे त्यांनी सांगितले.यावेळी आचेगावचे सरपंच रमेश क्षिरसागर,केेपीआर शुगरचे शेती अधिकारी मधुकर रोकडे-पाटील, कारखान्याचे व्हा.चेअरमन विक्रमसिंह पाटील,मुख्य कार्यकारी अधिकारी आर.पी.देशमुख,प्रकल्प समन्वयक, अमोल जगताप,सरव्यवस्थापक अशोक खाडे,कोजन मॅनेजर के. लक्ष्मण,डिस्टलरी मॅनेजर श्रीकांत झोरी,मुख्य शेती अधिकारी चंद्रशेखर जेऊरे,दिलीपकुमार हिप्परगी, सिद्धेश्वर शिंदे,राहुल घोगरे,राजू सुतार, दत्तात्रय तोरणे,सय्यद,निलेश रणदिवे, एचआर मॅनेजर ज्ञानेश्वर बळवंतराव,वेदमुर्ती बसवराज शास्त्री हिरेमठ यांच्यासह शेतकरी व कामगार वर्ग उपस्थित होते.