नवी दिल्ली : भारताचा प्रसिद्ध कुस्तीपटू द ग्रेट खली याने आपल्या राजकीय प्रवासाला सुरुवात केली आहे. आज (गुरुवार) खलीने भारतीय जनता पक्षात प्रवेश केला. दिल्लीतील भाजपच्या केंद्रीय कार्यालयात त्यांनी पक्षात प्रवेश केला. केंद्रीय मंत्री जितेंद्र सिंह आणि भाजप खासदार सुनीता दुग्गल यांनी त्यांचा पक्षात स्वागत केला.
माजी WWE चॅम्पियन खलीचे खरे नाव दलीप सिंह राणा आहे. खली पंजाब पोलिसात कार्यरत आहे. त्यांच्या भाजपमध्ये प्रवेश केल्यानंतर पक्षाला पंजाबमध्ये फायदा होऊ शकतो, असे मानले जात आहे. खली मूळचा हिमाचल प्रदेशचा असला तरी. पण तो जालंधरमध्ये कॉन्टिनेंटल रेसलिंग अकादमी (CWE) चालवतो. या अकादमीमध्ये खली तरुणांना कुस्तीच्या युक्त्या शिकवतो.
पक्षाचे सदस्यत्व स्वीकारताना खलीने सांगितले की, भाजपमध्ये प्रवेश करून मला खूप चांगले वाटत आहे. ‘WWE मध्ये मला नाव आणि संपत्तीची कमी नव्हती. पण देशावरील प्रेमाने मला मागे खेचले. पंतप्रधान मोदींनी देशासाठी केलेले काम पाहून मी भाजपमध्ये प्रवेश केला आहे. देशाच्या प्रगतीच्या या प्रवासात आपणही का सहभागी होऊ नये, असा विचार मनात आला. ‘भारताला पुढे नेण्याचे भाजपचे धोरण आहे. त्यामुळे प्रभावित होऊन मी भाजपमध्ये प्रवेश केला आहे. पक्षाने माझे कर्तव्य कुठेही लादले तरी ते पूर्ण करण्याचा माझा प्रयत्न राहील.
गेल्या वर्षीच्या सुरुवातीला ग्रेट खली आणि दिल्लीचे अरविंद केजरीवाल यांच्या भेटीचे फोटो सोशल मीडियावर व्हायरल झाले होते. पंजाब निवडणुकीपूर्वी ते आम आदमी पक्षात सामील होण्याची शक्यता वर्तवली जात होती.
