छत्रपती संभाजीनगर : वृत्तसंस्था
राज्यातील अनेक शहरात गुन्हेगारी घटना वाढत असतांना छत्रपती संभाजीनगरमध्ये दिवसेंदिवस खून, बलात्कार, अपहरण अशा घटना वाढत आहे. अशातच आता एक धक्कादायक प्रकार समोर आला आहे. विद्यापीठातूनच विद्यार्थिनीचं अपहरण करण्याचा प्रयत्न केला गेला आहे. या घटनेमुळे आता संभाजीनगरमध्ये चाललंय तरी काय? असा प्रश्न पडत आहे.
मिळालेल्या माहितीनुसार, डॉ. बाबासाहेब आंबेडकर मराठवाडा विद्यापीठात रात्री आठ वाजता बुलेटवर आलेल्या काही टवाळखोर तरूणांनी या विद्यार्थिनीची छेड काढली. त्यानंतर त्यांनी विद्यार्थिनीच्या अपहरणाचा प्रयत्न केला. या घटनेमुळे विद्यापीठातील विद्यार्थिनींमध्ये भितीचं वातावरण आहे. बुलेटवर आलेल्या काही टवाळखोर तरुणांनी विद्यार्थिनीची छेड काढत अपहरण करण्याचा प्रयत्न केल्याचा धक्कादायक प्रकार समोर आलाय. विद्यापीठातील वाय कॉर्नरवर हा संपूर्ण प्रकार घडला आहे. या प्रकरणी बेगमपुरा पोलीस ठाण्यात गुन्हा दाखल करण्यात आला आहे.
सायंकाळी 6 सुमारास या विद्यार्थिनी फिरण्यासाठी वस्तीगृहाच्या बाहेर पडल्या होत्या. तेव्हा त्या बाहेर फिरत होता. त्यानंतर तेथे काही बुलेटवर टवाळखोर तरूण आले होते. त्या टवाळखोर तरुणांनी एका विद्यार्थिनीची छेड काढली. तिला बळजबरीने बुलेटवर बसून अपहरण करण्याचा प्रयत्न केला. मात्र आरडाओरड केल्यानंतर परिसरातील काही विद्यार्थी जमा झाले. तेवढ्यात या टवाळखोरांनी घटनास्थळावरून पोबारा केलाय.
