केपटाउन : भारत आणि दक्षिण आफ्रीका यांच्यीतील कसोटी मालिकेतील तिसरा आणि शेवटचा कसोटी सामना आफ्रिकेच्या केपटाउन येथे मंगळवारपासून सुरु होत आहे. तीन सामन्यांची मालिका सध्या १-१ च्या बरोबरीत असून यामुळे भारतीय संघाला इतिहास रचण्याची संधी आहे. कारण ही कसोटी जिंकताच भारत मालिकाही जिंकेल आणि दक्षिण आफ्रिकेच्या भूमीत प्रथमच कसोटी मालिका जिंकण्याचा मान भारताला मिळेल. पण केपटाऊनमधला हा विजय भारताला सोपा नसून आतापर्यंत या मैदानात खेळलेल्या पाच पैकी पाच सामन्यात भारताला एकदाही विजय मिळवता आलेला नाही.
किती वाजता सुरु होणार सामना?
भारत आणि दक्षिण आफ्रिका यांच्यातील तिसरा कसोटी सामना मंगळवारी भारतीय वेळेनुसार दुपारी २ वाजता सुरु होईल. नाणेफेक दुपारी १.३० वाजता असेल.
