---Advertisement---

बापरे : अभिनेत्री करिश्मा शर्माने मारली रेल्वेतून उडी !

By team
On: September 12, 2025 4:26 PM
Follow Us:
---Advertisement---

मुंबई : वृत्तसंस्था

बॉलिवूड प्रसिद्ध अभिनेत्री करिश्मा शर्मा मुंबईत रेल्वे अपघाताची बळी ठरली आहे. बुधवारी झालेल्या या घटनेनंतर तिला तातडीने रुग्णालयात दाखल करण्यात आले. अभिनेत्रीने तिच्या सोशल मीडियावर ही माहिती शेअर केली. करिश्माने तिच्या इंस्टाग्रामवर एक स्टोरी शेअर केली आणि सांगितले की, ती चर्चगेटमध्ये शूटिंगसाठी जात होती, तेव्हा ट्रेनचा वेग वाढला तेव्हा तिला भीतीमुळे ट्रेनमधून उडी मारावी लागली. या अपघातात तिच्या डोक्याला आणि पाठीला दुखापत झाली.

तिच्या डोक्याला आणि पाठीला सूज आल्याचे तिने उघड केले. तिच्या शरीरावर जखमाही आहेत. दुखापत गंभीर नाही याची खात्री करण्यासाठी डॉक्टरांनी तिला एमआरआय करून एक दिवस निरीक्षणाखाली ठेवण्याचा सल्ला दिला आहे. करिश्माने तिच्या चाहत्यांना तिच्या लवकर बरे होण्यासाठी प्रार्थना करण्याची विनंती केली. तिने लिहिले, “कालपासून मला वेदना होत आहेत पण मी खंबीर राहिले आहे. कृपया मला तुमच्या प्रार्थना पाठवा, हे माझ्यासाठी खूप अर्थपूर्ण आहे.” असं तिने म्हंटलं आहे.

करिश्माची मैत्रीण तियाशा पॉलने तिचे हॉस्पिटलमधील फोटो आणि व्हिडिओ इंस्टाग्रामवर शेअर केले. तिने लिहिले की अपघाताच्या वेळी ती तिच्यासोबत होती आणि तिला करिश्मा जमिनीवर पडलेली आढळली. व्हिडिओमध्ये करिश्माला आयव्ही ड्रिप लावलेले दिसत आहे. अभिनेत्री करिश्मा शर्माने चित्रपट आणि वेब सीरिज या दोन्हीमध्ये आपली छाप पाडली आहे. ती ‘प्यार का पंचनामा 2’, ‘हॉटेल मिलन’, ‘फसते फसते’, ‘उजदा चमन’ आणि ‘एक व्हिलन रिटर्न्स’ यांसारख्या चित्रपटांसाठी ओळखली जाते. वेब सीरिजमध्ये तिने ‘रागिनी एमएमएस: रिटर्न्स’, ‘हम – आय एम बिज ऑफ अस’ आणि ‘फिक्सर’ सारख्या शोमध्ये काम केले आहे. याशिवाय करिश्माने ‘पवित्र रिश्ता’, ‘प्यार तूने क्या किया’, ‘ये है मोहब्बतें’ आणि ‘सिलसिला प्यार का’ यांसारख्या अनेक लोकप्रिय टीव्ही मालिकांमध्येही काम केले आहे. सोशल मीडियावर देखील अभिनेत्रीचा चांगलाच चाहता वर्ग आहे.

Watch Our Latest Video

Join WhatsApp

Join Now

Subscribe YouTube channel

Subscribe Now
Don`t copy text!