मुंबईतील ताडदेव दुर्घटनेतील मृतांच्या नातेवाईकांना राज्य सरकारकडून पाच लाखांची मदत

मुंबई : मुंबईतील ताडदेव भागातील कमला इमारतीला लागलेल्या आगीत सात जणांचा मृत्यू झाला आहे. या आगीत १५हून अधिक जण जखमी झाले आहेत. महाराष्ट्राचे पर्यटन व पर्यावरण मंत्री आदित्य ठाकरे यांनी घटना स्थळी भेट घेत परिस्थितीचा आढावा घेतला. राज्य सरकारने या दुर्घटनेतील मृतांच्या नातेवाईकांना पाच लाख रुपयांची मदत जाहीर केली आहे.

• या दुर्दैवी घटनेत मृत्यूमुखी पडलेल्या नागरिकांच्या कुटुंबियांना सरकार ५ लाख रुपयांची भरपाई देईल.
• जखमींवर उपचार करण्यास २ रुग्णालयांनी नकार दिल्याच्या बातम्या आल्या होत्या, मात्र दोन्ही रुग्णालयांनी, जखमींना दाखल करून उपचार केल्याचे, मला कळवले आहे.

— Aaditya Thackeray (@AUThackeray) January 22, 2022