तालुका प्रतिनिधी
अक्कलकोट, दि.२२ : थोर समाजसेवक कै.सर्जेराव जाधव यांच्या १०२ व्या जयंतीनिमित्त सर्जेराव जाधव चॅरिटेबल ट्रस्ट,विमलाबाई जाधव न्यास आणि फत्तेसिंह शिक्षण संस्था यांच्या संयुक्त विद्यमाने येत्या (शनिवारी) २५ डिसेंबर रोजी अक्कलकोटमध्ये विविध कार्यक्रमांचे आयोजन करण्यात आल्याची माहिती ट्रस्टचे अध्यक्ष शरद
फुटाणे यांनी दिली.फत्तेसिंह शिक्षण
संस्थेच्या सर्जेराव जाधव सभागृहात सकाळी
१० वाजता कार्यक्रम होणार आहे.प्रमुख
अतिथी म्हणून नगरपरिषदेचे मुख्याधिकारी सचिन पाटील उपस्थित राहणार आहेत.
यावेळी विश्वस्त सुरेश फडतरे,शंकर पवार,
शिवाजीराव पाटील,मोहन चव्हाण, परितोष जाधव,माधुरी जाधव,संतोष जाधव यांच्यासह फत्तेसिंह शिक्षण संस्थेचे अध्यक्ष बाबासाहेब निंबाळकर यांचीही प्रमुख उपस्थिती राहणार आहे.यावेळी सर्जेराव जाधव यांच्या प्रतिमेचे पूजन,मान्यवरांचा सत्कार,तालुक्यातील गोर गरीब गरजू व्यक्तींना वैद्यकीय, शैक्षणिक आर्थिक मदतीच्या धनादेश वाटपाचा कार्यक्रम पार पडणार आहे.तरी कार्यक्रमास उपस्थित राहण्याचे आवाहन संस्थेच्यावतीने करण्यात आले आहे.
सदैव मदतीचे
कार्य
गेल्या अनेक वर्षापासून संस्थेचे हे कार्य अविरतपणे चालू आहे.यावर्षी काही निवडक गरजू लोकांना आर्थिक मदत दिली जाणार आहे.सर्जेराव जाधव ट्रस्ट आणि विमलाबाई जाधव न्यासतर्फे दरवर्षी हे कार्यक्रम घेण्यात येतात.
शरद फुटाणे,अध्यक्ष
