अक्कलकोट, दि.२० – अनंतकोटी ब्रम्हांडनायक अक्कलकोट निवासी सदगुरु श्री स्वामी समर्थांच्या चरणी वंदन करून यंदाच्या दिपावलीच्या शुभ मुहुर्तावर येथील श्री वटवृक्ष मंदिरात पहाटगाण्यांचा सुमधूर स्वराविष्कार व अभंगसंध्या या भावभक्ती गीतांचा कार्यक्रम सोमवार दिनांक २४/१०/२२ ते बुधवार दिनांक २६/१०/२२ अखेर आयोजित करण्यात आल्याची माहिती मंदिर समितीच्या वतीने चेअरमन महेश इंगळे यांनी दिली.
सोमवार दिनांक २४/१०/२२ व मंगळवार दिनांक २५/१०/२२ रोजी अक्कलकोट चे वेदशास्त्र संपन्न मनोहर देगांवकर (बी.एस. सी.बी.एड.एम.ए.संगीत व कीर्तन अलंकार) यांच्या सुमधूर स्वरातून (भावमय स्वरांजली) पहाटे ५:१५ ते सकाळी ८ या वेळेत पहाट गाणी व दिनांक २४/१०/२२ ते दिनांक २६/१०/२२ अखेर सायंकाळी ५:३० ते रात्री ८ या वेळेत ज्योतीष शास्त्र डॉ.संतोष देगांवकर (एम.ए.एम.फील.पी.एच.डी.) यांच्या सुमधूर वाणीतून अभंगसंध्या हा कार्यक्रम सादर होणार आहे. वरील सर्व कार्यक्रम देवस्थानच्या ज्योतीबा मंडपात नियोजीत तारखेस व वेळेवर श्रींच्या चरणी सादर होतील, तरी दिपावलीनिमीत्त आयोजीत करण्यात आलेल्या या कार्यक्रमांचा भाविकांनी लाभ घ्यावा असे आवाहन मंदिर समितीचे चेअरमन महेश इंगळे यांनी केले आहे.
