धारशिव : खरीप २०२० च्या पीकविम्यासह यावर्षीच्या पीक नुकसानीचे अनुदान शेतकऱ्यांना तात्काळ देण्यात यावे, या मागणीसाठी शिवसेना उद्धव बाळासाहेब ठाकरे पक्षाचे आमदार कैलास घाडगे पाटील यांचे गेल्या सात दिवसांपासून सुरू असलेलेल उपोषण आज मागे घेण्यात आले.
एकजुटीने केलेल्या संघर्षाला यश…@ShivSena पक्षप्रमुख श्री.@OfficeofUT साहेबांच्या आदेशाचा सन्मान राखून व मुख्यमंत्री @mieknathshinde जी उपमुख्यमंत्री @Dev_Fadnavis जी यांनी दिलेल्या शब्दांवर विश्वास ठेवून आपला लढा तूर्त थांबवित आहे. @iambadasdanve @OmRajenimbalkr pic.twitter.com/BjVhQRo5gQ
— Kailas Patil (@PatilKailasB) October 30, 2022
शिवसेना पक्षप्रमुख उद्धव ठाकरे, मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी कैलास पाटील यांच्याशी चर्चा केली. या चर्चेनंतर त्यांनी उपोषण मागे घेतले.
”अतिवृष्टीची मदत उद्या संध्याकाळ पर्यंत देण्याचं व सततच्या पावसाची मदत मंगळवार, बुधवारपर्यंत याबाबत उपसमितीत निर्णय घेण्याचं आश्वासन देण्यात आलं आहे. त्यामुळे मी हे उपोषण मागे घेत आहे. या मागण्या पूर्ण नाही झाल्यातर पुन्हा आंदोलन करू”, असे कैलास पाटील यांनी प्रसारमाध्यमांना सांगितले.
