सचिन पवार
कुरनूर,दि. १८: हजरत पीर सातू सय्यद बाबा यात्रेच्या पार्श्वभूमीवर अक्कलकोट तालुक्यातील कुरनूर येथे हाफ पीच टेनिस बॉल क्रिकेट स्पर्धेचे आयोजन करण्यात आल्याची माहिती श्री दत्त क्रिकेट संघाने दिली आहे.
या स्पर्धेला २० नोव्हेंबर २०२१ पासून प्रारंभ होत आहे. या स्पर्धेचे प्रथम बक्षीस ७ हजार ७७७ झुंजार ग्रुपचे अध्यक्ष सागर काळे, द्वितीय बक्षीस ५ हजार ५५५ मुंबईचे उद्योगपती शाम चेंडके तर तृतीय बक्षीस आदर्श कृषी भांडारचे हर्षद मोरे यांच्याकडून देण्यात येणार आहे. या स्पर्धेत अनेक पंचक्रोशीतील क्रिकेटप्रेमींनी सहभाग नोंदवावा, असे आवाहन दत्त क्रिकेट संघाने केले आहे.
या स्पर्धेचा अंतिम सामना २५ नोव्हेंबर रोजी खेळवला जाईल. इच्छुक संघानी ९३२५२५०४६५ या नंबरवर संपर्क साधावा,असे आवाहन करण्यात आले
आहे.
