नवी दिल्ली : वृत्तसंस्था
देशातील प्रयागराजमध्ये आजपासून (दि.13) महाकुंभमेळ्यास प्रारंभ होत असून पौष पौर्णिमेच्या पार्श्वभूमीवर पहिले शाही स्नान होणार आहे. दुसरे शाही स्नान मकर संक्रांतदिनी (दि. 14) होणार आहे. शाही स्नानाआधीच 25 लाख भाविकांनी पवित्र संगमात डुबकी घेतली. रोज दोन कोटींहून अधिक भाविक महाकुंभला भेट देण्याची शक्यता आहे.
महाकुंभ सुरू झाला आहे. आज पौष पौर्णिमेला पहिले स्नान आहे. यावेळी १ कोटी भाविक संगमात स्नान करणार आहेत. संगम नाक्यावर दर तासाला २ लाख लोक स्नान करत आहेत. आजपासूनच भाविक ४५ दिवसांच्या कल्पवासाला सुरुवात करणार आहेत.
संगम नाक्यासह सुमारे 12 किमी परिसरात स्नान घाट बांधण्यात आला आहे. संगमावर सर्व प्रवेश मार्गांवर भाविकांची गर्दी आहे. महाकुंभात वाहनांना प्रवेश बंद करण्यात आला आहे. त्यामुळे भाविक 10-12 किलोमीटर पायी चालत संगमावर पोहोचत आहेत.60 हजार सैनिक सुरक्षा आणि सुव्यवस्था राखण्यात गुंतले आहेत. पोलिस कर्मचारी स्पीकरवरून लाखोंच्या संख्येने गर्दीचे व्यवस्थापन करत आहेत. कमांडो आणि निमलष्करी दलाचे जवानही ठिकठिकाणी तैनात आहेत. कडाक्याच्या थंडीत परदेशी भाविकही न्हाऊन निघत आहेत. ब्राझीलचा एक भक्त फ्रान्सिस्को म्हणाला- मी योगाभ्यास करतो. मोक्षाचा शोध घेत आहे. भारत हे जगाचे आध्यात्मिक हृदय आहे. जय श्रीराम. ॲपलचे सहसंस्थापक स्टीव्ह जॉब्स यांच्या पत्नी लॉरेन पॉवेल जॉब्सही महाकुंभला पोहोचल्या आहेत. निरंजनी आखाड्यात त्यांनी विधी केला. कल्पवासही करणार आहेत.
144 वर्षात दुर्मिळ खगोलीय संयोगाने महाकुंभ होत आहे. मुख्यमंत्री योगी यांनी पौष पौर्णिमेच्या शुभेच्छा दिल्या. गुगलनेही महाकुंभ संदर्भात एक खास फीचर सुरू केले आहे. महाकुंभ टाईप करताच पानावर आभासी फुलांचा वर्षाव होतो.
आजच्या सकाळच्या स्नानाने महाकुंभ २०२५ चे उद्घाटन झाले. सुमारे ६० लाख लोकांनी त्यात डुबकी मारली आहे. यावेळचा कुंभ हा श्रद्धा आणि आधुनिकतेचा संगम आहे. आम्ही पारंपारिक पोलिस व्यवस्थेपासून दूर गेलो आहोत आणि भाविकांना चांगल्या सुविधा देण्यासाठी तंत्रज्ञानाचा जास्तीत जास्त वापर केला आहे. आज पुष्पवृष्टी देखील होईल. यावेळी कुंभमेळा भव्य, दिव्य, डिजिटल आणि सुरक्षित करण्यासाठी सर्व व्यवस्था केल्या जात आहेत.
