नवी दिल्ली । आपण देखील जर एका कंपनीतून दुसर्या कंपनीत सामील होणार असाल… तर ही बातमी तुमच्यासाठी खूप महत्वाची आहे. जीएसटी प्राधिकरणाच्या निर्णयानुसार जर कोणताही कर्मचारी आपला नोटीस पिरिअड न संपवता नोकरी सोडत असेल तर त्याच्या फुल अँड फायनल पेमेंट मधून 18% जीएसटी वजा केला जाईल. मनी कंट्रोलच्या वृत्तानुसार, आतापासून सर्व लोकांना नोकरी सोडताना आपला नोटीस पिरिअड पूर्ण करावा लागेल, अन्यथा आपल्या F&F मधून एक मोठी रक्कम वजा केली जाऊ शकते.
हा निर्णय गुजरात अॅथॉरिटी ऑफ अॅडव्हान्स रूलिंगने घेतला आहे. हे संपूर्ण प्रकरण अहमदाबादमधील एका कंपनीशी संबंधित आहे. या प्रकरणाची सुरुवात एक्सपोर्ट कंपनी एमनील फार्मा (Amneal Pharma) च्या कर्मचार्यापासून झाली. कंपनीच्या कर्मचार्याने तीन महिन्यांचा नोटीस पिरिअड पूर्ण न करता नोकरी सोडन दिली, त्यानंतर ही बाब उघडकीस आली.
जीएसटी प्राधिकरणाने हा निर्णय घेतला
या प्रकरणानंतर जीएसटी प्राधिकरणाने आपल्या निर्णयामध्ये म्हटले आहे ,की ही रक्कम जीएसटी कायद्यांतर्गत एप्लॉयी एग्जम्पशन (कर्मचारी सूट) अंतर्गत येत नाही, म्हणून नोटीस पिरिअडची अटी पूर्ण न करण्यावर 18% जीएसटी द्यावा लागेल.
हे नियम आतापासून लागू होतील.
जर कोणत्याही कर्मचाऱ्याचा नोटीस कालावधी 3 महिन्यांचा असेल आणि त्याने राजीनामा दिल्यानंतर केवळ 2 महिनेच काम केले तर उर्वरित एक महिन्याच्या पगारामधून 18% जीएसटी वजा केला जाईल. म्हणजेच, जर एखाद्या कर्मचाऱ्याचा पगार मासिक 50,000 रुपये असेल, तर Gujarat Authority of Advance Ruling च्या या निर्णयानुसार कर्मचार्याला एका महिन्याच्या पगारासह 18 महिन्यांचा जीएसटी भरावा लागेल.
