अक्कलकोट, दि.१ : सेतू ठेक्याची मुदत संपल्यामुळे अक्कलकोट येथील सेतू कार्यालय बंद करण्यात आले आहे,अशी माहिती तहसीलदार बाळासाहेब सिरसट यांनी दिली.
सदर सेतूमधील दाखले, प्रतिज्ञापत्र व इतर सुविधा यांचे नवीन अर्ज आता महा-ई-सेवा केंद्राद्वारे स्वीकारले जाणार आहेत. नागरिकांनी आता आपले दाखले, प्रतिज्ञापत्र व इतर सुविधा जवळच्या आपले सरकार सेवा केंद्र व महा ई सेवा केंद्रामध्ये सादर करावेत, असे आवाहन तहसीलदार बाळासाहेब सिरसट यांनी केले आहे. महा ई सेवा केंद्र व आपले सरकार सेवा केंद्रांची यादी संकेतस्थळावर देण्यात आली आहे.
