मुंबई : वृत्तसंस्था
आठवड्याच्या पहिल्याच दिवशी सोने महाग झालेले दिसत आहे. मागील आठवड्यात सोन्याच्या किमतीत बरेच चढउतार पाहायला मिळाले. सोन्याच्या किमतीत आज 700 रुपयांनी बदल झाला. श्रावण सुरु झाल्यापासून सोने कमी झालेले दिसले. पण आता मात्र सोन्याने उंच गगन भररी घेतलेली दिसत आहे.
आज सकाळी सोन्याच्या वायद्याची किमत 911 रुपये वाढून 99 हजार 698 रुपये इतकी झाली आहे. रविवारी 98 हजार 787 रुपयांवर बंद झाली तर सकाळी 99 हजार 171 रुपयांवर खुले झाले. आज 10 ग्रॅमनुसार 22 कॅरेट सोन्याची किमत ही 92 हजार 950 रुपये आहे. तर 10 ग्रॅमनुसार 24 कॅरेट सोन्याचा दर हा 1 लाख 1 हजार 400 रुपये आहे. सराफा बाजारातही सोन्याची किमत वाढलीच आहे. चांदीची किमत प्रति एक किलो 1लाख 130 रुपये आहे.
रक्षाबंधनाचा सणही जवळ आला आहे. बाजारात सोने खरेदीसाठी तुडुंब गर्दी पाहायला मिळत आहे. या महिन्यात सणवार असल्यामुळे सोने वाढण्याची अपेक्षा आहे. सणासुदीच्या निमित्ताने सोन्याला खूपच मागणी असते. सोन्याला अधिक मागणी असल्यामुळे सोने महाग झालेले नेहमीच दिसते. सोन्याची वाढती मागणी पाहता सोने आता अजून किती वाढणार याकडे सगळ्यांचे लक्ष लागून आहे. ग्राहकांना दरदिवसी महागाईचा झटका बसत आहे. या महिन्यात सणवारही असणार आणि आता सोने ही वाढत असल्याचे दिसत असल्यामुळे सर्वसामन्यांच्या खिशाला मोठी कात्री बसणार असल्याचे समोर येत आहे.
येत्या आठवड्यात, सोन्याचे भाव स्थिर राहतील, परंतु सकारात्मक ट्रेंडसह कारण आता लक्ष अमेरिकेच्या व्यापार शुल्काचा अमेरिकन अर्थव्यवस्थेवर होणारा परिणाम आणि जागतिक बाजारपेठेतील संभाव्य व्यापार व्यत्यय यावर असेल. बहुतेक देश एकतर व्यापार अटींवर वाटाघाटी करू इच्छितात किंवा त्यांची उत्पादने किंवा सेवा विकण्यासाठी पर्यायी बाजारपेठ शोधू इच्छितात. याशिवाय, या आठवड्यात काही डेटा येणार आहे, याचा अर्थ आगामी व्यापार सत्रांमध्ये अस्थिरता वाढू शकते, असे तज्ज्ञांचे मत आहे.
