कोल्हापूर : मराठा आरक्षणाच्या मुद्द्यावरून राज्याच राजकारणात आपला आहे. खासदार छत्रपती संभाजीराजे यांच्या नेतृत्वात उद्या कोल्हापुरात मूक मोर्चाचे आयोजन करण्यात आले आहे. कोल्हापुरात निघणारा मोर्चा हा पहिला मराठा मोर्चा ठरणार आहे.
कोल्हापूरातील उद्याच्या मराठा मूक मोर्चात प्रकाश आंबेडकरही सहभागी होणार आहेत अशी माहिती वंचित बहुजन आघाडीने ट्विटरवर ट्विट करून माहिती दिली आहे.
उद्या दि. १६ जून रोजी कोल्हापुरात मराठा समाजाच्या आरक्षणप्रश्नी खा. संभाजी महाराज यांच्या नेतृत्वाखाली आयोजित मराठा आरक्षण मोर्चात वंचित बहुजन आघाडीचे अध्यक्ष ऍड. प्रकाश आंबेडकर सहभागी होणार आहेत.@Prksh_Ambedkar @YuvrajSambhaji
— Vanchit Bahujan Aaghadi (@VBAforIndia) June 15, 2021
या मूक मोर्चामध्ये सहभागी होण्यासाठी वंचित बहुजन आघाडीचे नेते प्रकाश आंबेडकर हे आजच कोल्हापुरात दाखल झाले आहेत.
काही दिवसांपूर्वी मराठा आरक्षणाच्या मुद्द्यावरून खासदार छत्रपती संभाजीराजे हे प्रकाश आंबेडकर यांची भेट घेतली होती त्या वेळी प्रकाश आंबेडकर यांनी संभाजीराजेंना पुढाकार घेण्याचे आवाहन केले होते त्यानुसार प्रकाश आंबेडकर उद्या आंदोलनस्थळी येऊन मराठा आंदोलनाला पाठिंबा देणार आहेत.
